Altre immagini della vecchia Lissone

   

   

“ADDIO AL TRAM DE CANTUU”

Anca ti, por tramvai tutt squinternaa,

dopo avè lavoraa per tanti ann

a trasportà gent e gent in quantitaa

anca per ti el progress l'è staa on malann.

Saluda col coeur gross Monscia, Lisson,

Seregn, Meda, Cantuu e va in pension.

Va tranquill a cà del rottamatt,

ormai per ti gh'è pù nient da fà.

Rivàvom a destin che sérom piatt,

ma te see mai fermaa in del tò andà.

Guerra o non guerra, topich o non topich,

t'è sémper menaa a cà travet e brich.

I pullmann han ciapaa la tôa piazza,

vann pussee fort e ... còppen pussee gent,

ma di robb vecch purtropp se perd la razza.

Se te voeu facch? L'é mei facch minga a ment.

Consòlet che in st'Italia «:insci canaia»

Se poeu morì anca mò ... per la vecchiaia.